İnteryer Dizayn nədir?

İnteryer dizayn ev və digər məkanların daxilində olan yerlərin estetik görünüşünü, ahəngdarlığını, əşyaların bir-birinə olan estetik və rəng uyğunluğunu, insanların xarakteri və davranışlarını anlayıb, bunları ümumi kombinasiya edərək məkan ilə funksional sahələr yaradan bir incəsənət növüdür. Hər bir insanda daxili gözəllik önəmli olduğu kimi, bir binanın və yaxud hər hansısa bir yaşayış sahəsinin daxilindəki gözəllik də əsas önəm daşıyan nüanslardan biridir. Buna görə də hər bir fərd məkanın daxilinin gözəlliyinə xüsusi önəm verməlidir. Yaşadığımız məkanın rahat və cazibəli olması interyer dizaynerdən aslıdır. İnteryer dizayn sahəsi insanlara özünü həm mənəvi, həmdə fiziki olaraq rahat hiss etdirən, onların dünyaya olan baxışını zənginləşdirən sənətdir. Bu sənət sahəsində artıq insanlar öz arzularında olan məkanlara gerçəkdə sahib olurlar.

İnteryer Dizayn Xidməti

"Aksent İnteryer Dizayn" şirkəti olaraq biz sizi ən effektiv, yaradıcı üsullardan, inkişaf etmiş texnologiyalardan istifadə edərək, bu günə qədər gerçəkləşdirə bilmədiyiniz, lakin xəyallarınızda olan məkana qovuşduracağıq! Şirkət olaraq biz ölkə daxilində olan obyektləri, ofisləri, otelləri, mənzilləri, bağ evlərini, restoranları ,teatrları, ticarət mərkəzlərini və digər məkanları dizayn edirik. Həmçinin, interyer dizaynerlərimiz məkanın görüntüsünün müəyyən bir formada olmasına qərar verə bilməyən, ideyaya ehtiyacı olan müştərilərə ideya verməklə kömək edirlər. Biz sadəcə ideya ilə kifayətlənmirik. Bunun üçün işçi çertyojlarının düzgün qaydada çəkmə, dəblə ayaqlaşma ,yaradıcı düşünə bilən, işində diqqətcil və ən vacibi də təcrübəli dizayner və işçi kollektivi olmalıdır. Dizaynerlərimiz bu sahədə yüksək təhsil almış, özünü tanıtmış şəxslərdir. Biz bunların hamısını nəzərə alıb, öz komandamızı yaratmışıq. Çünki bizim əsas məqsədimizdən biri sizi razı salmaq, istəklərinizin reallaşmasına yardım etməkdir. Məkanı dizayn edərkən dizaynerlər sizin sevdiyiniz rənglər, rahat hiss etmək istədiyiniz məkanın görüntüsü, dizayn haqqında ümumi fikirləriniz, ideyalarınız, zövqləriniz barədə ətraflı məlumat alır və bunları bir məxrəcə gətirərək tam istəyinizə uyğun etməyə çalışırlar.